minus coloratam et spissam minus duo potest significare,
quoniam si eger spuat et dormiat, bonum est; si autem non, significat
materiem rapi ad superiora. Urina citrina et limpida
passionem splenis et desiccationem membrorum significat. Urina
karopos spissa scotosim significat. Urina russa vel subrussa vel
subrubea multa, mediocriter spissa, superius obumbrata, finem
interpolate et quandoque acute significat. Urina glauca quasi aquosa
quandoque quartanam, aliquando spleneticum significat,
quandoque stomaticum. Urina rubea vel subrubea et tenuis tercianam
significat simplicem. Urina russa vel subrussa mediocriter
per totum spissa, duplicem tercianam significat. Urina citrina
vel subcitrina et spissa in muliere retentionem menstruorum significat
seu pregnantem. Cuius hec erunt sintomata: dolor frontis
et capitis cum vomitu et alie ansietates.Urina pallida vel subcitrina,
vel quasi glauca, cuius circulus rubet, melancolicum futurum
vel presentem melancolicum significat.
Hic agit de urinis magis compendiose. — Notandum quod si in
dextro latere urine simma, quod huius figure est σ, apparuerit,
apostema significabit. Nec te lateat quod urine virginum subtiles
et quasi subcitrine debent esse; postquam corrupte fuerint,
fere semper spisse erunt. Urina vero pregnantium mulierum aliis
signis evidentissimis apparet, que diligenti consideratione attendi
debent. Si enim in interioribus matricis cellulis concepit, in fundo
vasis quedam alba nubecola quasi anuli rota apparebit; Si vero
in posterioribus, aliud signum habebimus. Solet enim ymago iudicantis
in urinali vasu tanquam in speculo apparere. Animadvertendum
tamen est quod si in egritudinibus huiusmodi ymago fuerit
visa, in continuis mortem, in interpolatis et epaticis prolixitatem
egritudinis significat. In omnibus istis egritudinibus, id est
ptisicis, ydropicis, appoplecticis, epilepticis, peripluemonicis, paraliticis,
colicis, dissentericis, si urina rubea fuerit, mortem annunciabit
in pleuretica, frenetica, synoca, causon, terciana; si vero
alba fuerit aut livida, mortem minabitur. Urina alba sine febre
viris et mulieribus dolorem renum et aliquando laterum, et pregnantem
quandoque significat mulierem. Urina si superius claritatem
habuerit, et inferius nebulosa et sublivida fuerit, inferius
dolorem renum, anche et geniculorum; superius os stomachi defectionem.
Urina si superius fuerit subnigra et plena, et inferuis
claritatem habuerit, inferuis dolorem renum, superius gravitatem
cordis, obturactionem aurium et narium significat: hoc autem fumus
stomachi facit. Urina alba et cruda in omnibus debilitatem
stomachi significat et frigiditatem corporis. Urinare sepius significat
infrigidationem vesice. Urina si superius spumosa fuerit,
stomachi ventosilatem et veneris desiderium aliquando et tussem
significat. Urina pleureticorum quasi sex est. Si semina urinam
habuerit quasi iumentom habuerit, dolorem vulve et matricis et
febrem significat. Si doluerit vulva, post balneum accipiat triferam,
mandragoram, et sero mittat de eodem in vulva. Virgines
|
|