XXVIIII. Imperator autem Heinricus, Busclavi consilium
non ignorans, undique vias custodiri preceperat , et si Busclavus
Romam nuntios mitteret, in eius ilico manibus devenirent.
Monachus ergo qui nuper missus a sanctis martiribus fuerat, demum
captus est et mox carcerali custodię mancipatus. Nocte vero
illum angelus Domini in carcere visitavit et consummatos esse eos
quorum legatione fungebatur innotuit statimque aperto divinitus
carcere preparatum sibi esse navigium in fluvio quem transiturus erat
asseruit. Quo festinans monachus angelicę promissionis fidem veram
esse probavit.
XXX. Dum moraretur autem Romualdus adhuc in
Pereo, imperator Otto monasterium ibi ad honorem sancti
Adelberti eo suggerente construxit, cui contigua Classensis cenobii
predia contulit, et ea sibi ex phiscali possessione in Firmensis
monarchię partibus reconpensavit. Abbate ergo illic
|
1
5
10
15
|