Quos ratio prefert pecudibus,
Cum porcis cur gaudent paludibus?
Utantur magis propria differentia,
Floccipendentes hec presentia.
Ne perdamus perpetem gloriam
Propter vitę brevis memoriam;
Infelix erit in perpetuum,
Cui arridet presens seculum.
Transit mundus cum phylargiria,
Inferni quę parat martyria,
Ubi est luctus et iuge scandalum,
Ubi deludit urna Tantalum.
Quid prodest in transitu tangere,
Quę tactu parturiunt plangere?
Linquamus ergo Adę pellicias,
Supernas amemus delicias.
Habere debemus agalmata,
Quę perdidit primus apostata;
Humilis quidem nostra plantatio,
Constat ruinę reparatio.
Veraciter angeli erimus,
Si spiritu ambulaverimus;
Ad Flegetonta nullus descenderit,
Ni qui diabolus devenerit.
Ergo, seniores episcopi,
Estote pro rege solliciti;
Quid vobis fecit rex, perpendite
Et causas eius vos defendite.
|
|