nec de Brachio. Et [quilibet contra/]fatiens solvat pro banno soldos sex
[imperiales;] et qui[libet fidedignus] possit accusare et pene [perveniant
ut supra.]
[19] Item statuerunt quod non sit aliqua persona dicti territorii de Mergotio
et de Brachio que [audeat] nec presumat facere aliquam frachiam
alicui sponsse; et qui contra fecerit solvat pro banno, qualibet vice, soldos
quinque imperiales pro quolibet; pena vero perveniat ut supra.
[20] Item [statuerunt quod nulla persona, vel nullus mercator, non]
audeat, nec [debeat ire de nocte per territorium Mergotii] cum roba,
vel sine roba; et qui contra fecerit non vertatur contra comune Mergotii
de aliqua restitucione.
[21] Item quod non sit aliqua persona que audeat, nec presumat incidere,
nec rumpere fossatum, nec cesam paludis Comunis Mergotii
nec aspaldo et qui contra fecerit solvat pro banno qualibet vice soldos
quinque imperiales tertia pars sit accusatoris et quilibet fidedignus possit
accusare.
[22] Item statuer[unt] quod nulla persona de Brachio, nec de Mergotio,
non teneatur rumpere ruzias de molino Comunis Mergotii, nec extrahere
aquam, nec aliquid aliud de ipsis; et qui contra fecerit solvat pro
banno soldos quinque imperiales, pro quolibet et qualibet vice; et quilibet
fidedignus possit accusare: tertia pars sit accusatoris.
|
|