18. ( ibid .) A claritate in claritatem . Natura in
rebus creatis excellentissima, cum a suo Creatore
justificatur ab impietate, a deformi forma transformatur
in formosam formam; est quippe et in ipsa
impietate, quanto magis damnabile vitium, tanto
certius natura laudabilis, et ob hoc addidit, de gloria
in gloriam, de gloria creationis in gloriam justificationis.
Quamvis possit hoc et aliis modis intelligi
quod dictum est, de gloria in gloriam; de gloria
fidei in gloriam spei; de gloria qua sumus filii
Dei, in gloriam qua similes ei erimus, quia videbimus
eum sicuti est.
19. ( ibid .) Tanquam a Domini Spiritu . Quod vero
addidit: tanquam a Domini Spiritu ; ostendit gratiam
[ al ., gratia] nobis conferri, tanquam [ al ., tam]
optabilis confirmationis [ al ., transformationis]
bonum.
CAP. IV.—1. LANFR. In iis quibus Deus hujus
saeculi . Quasi diceret: Qui non solum invisibiles
creaturas, sed etiam hoc invisibile saeculum regit,
potest et ita construit, in quibus Deus excaecavit
mentes infidelium hujus saeculi; quia si de diabolo
dictum est, Deus hujus saeculi, sic intelligitur in
Evangelio; Princeps mundi hujus .
2. Non enim nos . Ostendit quod non sint ambulantes
|
|