Hugo Atratus de Evesham: Epistolae

Pag 106


Quantum peregrini et advene, ubi degunt, indigenarum exhibitione
caritative consolationis indigeant et experientie contractus, dum vos tenuit
regio peregrina, perdocuit et ipsa naturalis discussio rationis informat. Et
ideo in ductis prolixe vitato sermone, pro religioso viro in Christo nobis
dilecto, fratre Leonardo de Urbe Veteri, ordinis nostri professo, qui peregrinus
et advena de mandato superioris eiusdem ordinis in Anglia commoratur,
discretionem vestram compendiose precum instantia duximus
exorandam, quatenus, eundem fratrem, ecqua huius persone indigere
noscantur, caritatis applausu, habentes nostri amoris intuitu favorabiliter
commendatum, aperire sibi velitis, quotiens opus fuerit, vestre viscera pietatis,
ut pro hoc a retributione bonorum omnium premium et a nobis gratiarum
actiones uberes assequi valeatis. Valete etc.


Domino comiti Lincolinensi … Hugo etc.
Latorem presentium, Adam clericum nostrum, de sollicitudine in
negotiis sibi commissis adhibita, si qualitas curie diligentie sue notis
annuisset propitia collaudandum, vestre magnificentie commendamus,
rogantes ut desidie non imputetis ipsius si prefata, prout gessit in votis,
negotia non potuit, cum per ipsum non steterit quominus optatum finem
sortita fuerint, expedire. Ceterum etc.

Torna all'inizio