Lanfrancus Ticinensis: In omnes epistulas Pauli commentarii, cum glossula interiecta

Pag 398


hoc autem exemplar est illius quod nos facimus,
in commemorationem fit ejus quod factum est: Hoc
facite , inquit, in meam commemorationem ( Luc . XXII).
4. In capite libri . Utique pastelii, ubi dicitur:
Beatus vir ; qui psalmus capitulum totius libri dicitur
a quibusdam.
5. Et omnis quidem . Ministrare famulorum est;
sedere vero dominorum.
6. Donec ponantur . Non solum inimici qui infideles
sunt, sed etiam qui immunde vivunt. Prudentia
enim carnis inimica est Deo.
7. LANFR. Scabellum . Sub pedibus Christi erunt
omnes qui sunt modo inimici ejus in die judicii,
quia ad imperium ejus, aut conversi ibunt in vitam
aeternam, aut pertinaces perpetuam patientur
gehennam.
8. Contestatur , id est, confirmat verba nostra,
quibus asserimus una oblatione corporis Christi
peccata penitus esse dimissa.
9. AMBROS. Dando leges . Ista lex est charitas, ut
quod nobis nolumus fieri, alteri non faciamus; et
sicut in Evangelio dicitur: Quaecunque vultis ut faciant
vobis homines, eadem et vos facite eis ( Matth . VII, 12).
10. LANFR. In introitu . Introitum vocat coelum,
quo sancti intraturi sunt redempti sanguine Christi.
11. Quam initiavit . Ordo: Quam viam novam
quia nullus hominum ante illum coelum ascendit,
et viventem, id est, non deficientem, permanentem,
quia usque ad finem saeculi ascensura sunt membra
ejus: initiavit nobis Christus id est incepit vel
dedicavit.

Torna all'inizio