Millesimo ducentesimo quinquagesimo secundo, indictione decima. Dominus Henricus de
Monça de Mediolano fuit potestas Bononie. Hoc anno comune urbis Rome misit legatos
et anbaxatores suos ad civitatem Bononie, rogantes comune Bononie quod mitteret Romam
unum probum et electum virum de Bononia pro senatore, qui urbem pacifice gubernaret. Et
tunc, in generali consilio comunis Bononie, ad scrutinium, electus fuit senator romanus dominus
Branchaleonus de Andalo, qui illuc ivit, et urbem honorifice et potenter rexit quinque annis.
Hoc anno obiit dominus Fredericus inperator in Apulia, de mense decenbris, circa festum
sancte Lucie.
Millesimo ducentesimo quinquagesimo tercio, indictione undecima. Dominus Petrus Grillus
de Genua fuit potestas Bononie et in dicto regimine obiit, et electus fuit potestas dominus
Alemannus de la Turre de Mediolano, qui intravit et conplevit illius anni regimen, et comune
Bononie fecit fieri cavamentum et naviglum novum. Et eo anno occisus fuit sanctus Petrus
Martir de ordine patrum Predicatorum in civitate Mediolani per hereticos.
Millesimo ducentesimo quinquagesimo quarto, indictione duodecima. Dominus Ubertus de
Ugine de Mediolano fuit potestas Bononie. Hoc anno civitas Cervie obsessa fuit per comune
Bononie, que tenebat pro comuni Veneciarum, et ibi stetit comune Bononie in
exercitu usque ad festum omnium sanctorum, et habuit ipsam civitatem Cervie ad suum dominium.
/*
Eo vero anno pars Mendullorum de Imola fuit expulsa a parte Briciorum, et, infra octo
dies, statim ançiani et consules comunis Bononie iverunt Imolam, et fecerunt redire partem
Mendullorum in civitatem; et tunc comune Imole firmavit et dedit licenciam predictis ançianis
et consulibus eligendi potestatem Imole quem vellent, et ipsi elegerunt dominum Ubertum
de Ugine, qui erat etiam potestas Bononie. Et erat tunc potestas Imole dominus Facinus
de Mandello, qui fuit integre solutus de feudo suo et reccessit. Hoc anno rex Corradus, filius
inperatoris Frederici, obiit in Apulia de mense decenbris.
Millesimo ducentesimo quinquagesimo quinto, indictione terciadecima. Dominus Riçardus
de Villa de Mediolano fuit potestas Bononie, dominus Çordanus de Lucino de Brixia fuit
capitaneus populi Bononie primus.
Millesimo ducentesimo quinquagesimo sexto, indictione quartadecima. Dominus Manfredus
de Marengo de Alixandria potestas, dominus Bonacurxius de Surixina de Mediolano fuit
capitaneus populi. Hoc anno civitas Bononie fuit in magno periculo, et magni fuerunt ibi
rumores, dolo et fraude capitanei, qui tractavit et fecit se [eligi] in potestatem anno futuro,
contra sacramentum suum, et contra formam statuti comunis Bononie.
Millesimo ducentesimo quinquagesimo septimo, indictione quintadecima. Dominus Bonacurxius
de Surixina fuit potestas Bononie, et dominus Gregorius Fridus de Alixandria capitaneus
populi Bononie. Hoc anno fuerunt maximi rumores in civitate Favencie, inter partes
Acharixiorum et Manfredorum, et amici cuiuslibet partis traxerunt Faventiam, scilicet
|
|