37

redeuntium de Provincia, et quod Ianuenses issent in Provinciam, viriliter XXXI galeam
armaverunt, et in Caput Corsi navigarunt, et igne illud combussere; et XII kal. Septembris
Albiganam pugnando cepere, pre timore maris et venti contrarii ad portus amplicuere.
Profecti inde, XXVIII naves venientes de mercato de Frigioli, cum Ianuensibus et havere
magno ceperunt, et per totam Rivieram Ianuensium usque ad Montem Pesulanum plurimas
naves prehendiderunt. Ad Gradum quoque Mergurii V naves magnas vacuas incenderunt,
et unam venientem de Garbo caricatam cepere. Revertentibus itaque Pisanis intraverunt
Rodanum per fauces Capre, et incolumes usque ad Albarum Sancti Egidii venere die kal.
Septembris, in quo est fiera magna, ubi varie et innumerose gentes convenerant. Ianuenses,
scientes victoriam quem Pisani habebant de Albigana, dolore nimico turbati, repente L galeas
armavere; et post illas usque in Provinciam per flumen Rodani, pro faciendo prelio cum Pisanis
usque ad Ripam Sancti Egidii, non longe duobus miliariis a Pisanorum exercitu, tertio
nonis Septembris aplicuere, et die ipsa et per alios decem dies bellum facere valde timuerunt.
Infra dictum denique tempus Pisani et Ianuenses fortiter se preparaverunt. Interea Pisani,
audientes quod Ianuenses armassent L galeas, et post Pisanorum galeas festinanter usque in
Provinciam navigassent, confestim XX galeas armavere, et usque ad portum Janue navigare
proposuere. Cum vero pervenissent super portum Dalfini, iudicio Dei marisque, Ianuam,
secundum quod proposuerant, aplicare non potuerunt; reversi sunt in Portum Veneris, et
castrum in circuitu devastaverunt; deinde reversi sunt Pisas VII idus Septembris. Postea
vero, cum de illis, qui in Provincia erant, veritatem nullam scirent, confestim XXV galeas
armaverunt, et Ianuam, secundum quod proposuerant, navigare ceperunt, et idus Septembris
ad castrum dictum Levanto amplicuere, et totum in circuitu devastaverunt, et impedimento
temporis, vix cum magno labore reversi sunt in Portum Veneris, deinde Pisas. Post hec
tres galeas bene armatas cum Guidone Belle consule et cum XXIII militibus Pisani consules
miserunt in Provinciam in auxilium Pisanorum; quas ventus contrarius proiecit in Ilbam,
et ibi unam navem Ianuensium et burgensium Panormi, venientem de Alexandria, cum magno
havere, die Sancti Michaelis cepere; et sic Pisas cum magno honore tertio nones Octubris
rediere.
A.D. MCLXVI, idus Septembris supradicti Pisani, qui in Provincia cum XXX et una
galea erant cum Ianuensibus, qui erant cum LV galeis, magnum bellum in terra iuxta Rodanum
fecerunt, et gratia Dei Pisani vicerunt illos; de quo bello multi Ianuenses capti et
interfecti sunt et omnia menia eorum destruxere. Veniente denique Ianuensium Consule de
Ianua cum tribus galeis et infinita pecunia, stolum Ianuensium retro usque ad Arlim pro
certamine faciendo, ingenti furore, redire fecit, qui per XV dies ibi steterunt et bellum,
tanquam timidi, iterum facere recusaverunt. Paucis autem diebus postea, Ianuenses Ianuam,
cum mala fama et tristitia a Pisanis separati et devicti, X kal. Novembris reversi sunt.