38. O coniugate feminae,
Tenete fidem prouide,
Domos uestras disponite,
Ad templum Dei currite.
39. Mutate uestem, uiduae,
In castitate uenite,
Luxuriantes fugite,
Ne possint uos decipere.
40. Puellae se custodiant
Ab omni uana gloria,
Ne iuuentute feruida
Cadant in adulteria.
41. Meretrices, conuertite,
Veniam uobis quaerite;
Qui semper solet parcere,
Expectat uos cottidie.
42. Serui, cum recto animo
Vestro seruite domino;
Ancillae et utiliter
Deseruiant similiter.
43. In prosperis laetitiam,
In aduersis tristitiam
Supra modum non habeat
Vlla fidelis anima.
44. Qui uiuitis in saeculo
Omnes, seruite Domino,
Vt iuti sua dextera
Regnetis semper aethera.
Amen.
|
|