IX
EXORDIA ET CONTINVATIONES VENTRIS INGLVVIEI.
1 Cum satietate uenter extenditur, oculi libidinis excitantur.
1' Jnde est quod moderate quis cibum assumat, ne peccatorum
onere pregrauetur.
2 Quanto uenter ciborum concupiscentiis adimpletur, tanto anima
donis celestibus minoratur. 2' Proinde est quod si spiritualia querimus
hec mortalia fugiamus.
3 Deo placere non poterunt qui carnis desideriis acquiescunt. 3'
Quare si uitam cupimus in benedictionibus seminemus.
4 Venter et genitalia sibi subnixa taliter famulantur ut dum nimis
unum reficitur aliud ad uitia excitatur. 4' Eapropter modus et
mensura cum discretione precedat, ne sine misericordia puniamur.
|
|