quasi locum apud Deum jam non haberet.
7. An in omnibus . Quantum datur intelligi, obedientes
hos factos in caeteris probat.
8. Ut non circumveniamur . Dicit quia consolatio
debet subsequi, ne diabolus suggerat ei, ut vel praesentibus
fruatur, qui de spe futuri praemii dejectus
est.
9. LANFR. Ut non circumveniamur , id est, ut non
sit inter vos discordia.
10. Cum venissem autem , etc. Excusato se quod
non venerit, narrat quod fecit, commendans se in
eodem opere, ne vos contristarem non veni, Cum
autem venissem Troadem , etc.
11. Titum fratrem . Titus iste interpres Apostoli
erat, et horum lingua expressius loquebatur quam
Apostolus.
12. Vale faciens eis , etc. Ad hoc quod dixit parcens
vobis non veni Corinthum, sed veni Troadem,
ubi me libenter audiebant, hoc est ostium mihi
apertum est; et sic hortatur ut et isti libenter accipiant,
postquam hoc de illis audierunt.
13. AMBROS. Odorem notitiae . Praedicationem
Christi, ideo dicit odorem, quia sicut res quaedam,
cum non videantur, per odorem cognoscuntur, ita
invisibilis Deus per praedicationem Christi se voluit
intelligi.
|
|