9. AMBROS. Quod est vinculum . In futuro, inquit,
saeculo ubi constiterimus, charitati colligati invicem
permanebimus, nullam separationem ulterius
sustinentes.
10. LANFR. Domino Christo . Quasi diceret: Quamvis
jubeam quosdam ex vobis debere aliis subditos
esse, quosdam diligere, alios aliis obedire et caetera
quae sequuntur, in his tamen omnibus Domino Christo
servite.
11. Qui enim injuriam . Ratio superiora probans,
ab eo loco quo dicatur: Mulieres , etc.
CAP. IV.—1. AMBROS. Tempus redimentes . Praesens
tempus ad utilitatem nostram comparantes.
2. GREG. Tempus redimentes . Tempus quidem rediminus,
quando anteactam vitam, quam lasciviendo
perdidimus, flendo reparamus.
3. LANFR. Sermo vester in gratia . Hic gratiam
vocat bonam observantiam, quae per gratiam Dei
datur, sicut ad Ephesios: Ut det gratiam
audientibus .
|
|