<I>n amorem tue civitatis in quo semper esse optamus nos adeo vehementer abstraxisti quod sic provide nobis scribere studuisti, quod sine dilatione nos tibi obsides remittimus et Bononiensem comitatum supra id quod ferre non valet nullatenus gravabimus. Te namque ac cunctos regni barones latere non credimus nos in Italiam ad hoc exercitum duxisse, ut sacrosanctam Dei ecclesiam in proprium statum reducamus: bonis et obedire volentibus favorem et letitiam, pravis et resistentibus terrorem et tristitiam potenter incutiamus et unumquemque suo proprio iure fore contemptum proinde fatiamus.
Ad hec per presentia tibi scripta mandamus et mandando precipimus quatinus te usque ad diem dominicum pane vino piscibus annonam pabulo te preparare studeas ut exercitum nostrum iiii diebus conducere valeas.
|
|