Lanfrancus Ticinensis: In omnes epistulas Pauli commentarii, cum glossula interiecta

Pag 260


Deo. Pax autem qua reconciliamur Deo.
6. AMBROS. Ut eriperet . Liberavit nos Christus a
praesentis saeculi vita, in qua multa de illis quae non
conveniebant, fiebant. Constituitque in spe futurae
vitae, quod nullo modo praestare nobis lex valuit.
7. AUGUST. ( ibid. ). De praesenti saeculo . Saeculum
praesens malignum propter malignos homines, qui
in eo sunt, vocat. Sicut malignam domum propter
malignos inhabitantes dicimus.
8. AMBROS. Miror quod sic . Conveniens principium
novitati factorum. Sic enim posuit, miror,
quasi quia et res accidit, quae nunquam fieri
credebatur.
9. LANFR. Transferimini . Galatae isti, pars ex Judaeis,
pars ex gentibus ad fidem Christi ab Apostolo
fuerant conversi; sed post discessum ejus venerunt
pseudopraedicatores, qui eos qui ex Judaeis conversi
fuerant, cogebant judaizare: eos vero qui ex gentibus
ad fidem venerant, elementa mundi adorare,
dies et annos observare.
10. AMBROS. Transferimini . Non dicit, transducimini,
sed transferimini, quasi exanimes aliquos, et
qui animi motum non habeant.
11. Ab eo qui vos . Ut non viderentur a Christo
tantum discedere, adjecit a Deo.

Torna all'inizio