satiantur licet inveniant, alii non inveniunt licet inquirant. Et
dixit: invidus utile sibi quandoque reputat perdere bona sua.
Et dixit: homines causa sunt acquirendi peccuniam, et pecunia
causa est homines acquirendi. Et ille cuius scientia sensum excedit,
est ut pastor debilis, gregibus fecundis habundans. Et dixit:
concupiscenciarum servus, empticio magis servus est. Et dixit:
quanto quis suo dominio se magis extulerit, tanto, cum eo
privabitur, maius senciet detrimentum. Et dixit: solers est quem
non divicie a sui finis meditacione excipiunt, nec quantumcumque
grandis et inopinatus eventus acciderit, a finis expectacione
subducit. Et dixit: certitudinis clavis est cogitatus. Et
dixit: rogatio peticionis est ala. Et dixit: negatio tenacis
in dando, melior est prodigalitate vastantis. Et dixit: non est
res adeo Deo grata quam illi qui te offendit bona conferre.
Et dixit: si sapiencior fleri volueris, ad rudes et inscios non
advertas, sed ad illos qui sapiencia te transcendunt. Et dixit:
quousque finis pertingat extremum, sua spe anima non frustatur.
Et dixit: deterior inimicus quem aliquis habere potest est animam
habere ignaram. Et dixit: bona voluntas boni fundamentum
est operis, et opus bonum est alterius mundi legatus. Et dixit:
malam renuens opinionem et bonam assumens, cor habet quietum
et veri amorem gerit. Et dixit: infirmitas carcer est corporis, et
anime cogitatus.
ASSARON dixit: quinque de causis rex damnificatur: prima
est temporis ariditatis excessus, ita quod uno anno post alium
|
|