in pignus per cartam filię suę Carębonę, quod contra legem fuisse
videtur. post hęc restituit ei ipsam rem pro qua pignus ipsum
habebat, sed non recepit eandem cartam a filia sua. tunc supradicta
Carabona ancilla Dei inique adhęsit eidem Donadeo et
propter amorem consanguinitatis tradidit illi ipsam cartam. per
cuius occasionem cartę quę legalem investituram non habuit, invasor
et causator huius terrę extitit idem Donadeus. Postquam
autem Heinricus imperator ipsuun castrum Farę cum ipsa terra et
omni eius pertinentia restituit huic monasterio, propter cupiditatem
terrę quam desiderabat acquirere, immisit contra nos litem;
et consiliatus est cum Rustico Crescentii et aliis nostris inimicis,
tractans malum contra nos prout potuit. ex multis vero malis
unum nunc proferimus. denique per suum consilium et incitamentum
Berardus filius Beraldi tulit nobis Lunianum, quod cum
aliis castellis Todinus concesserat nobis per cartam proprietatis,
et occurrit ei statim cum adiutorio et immisit contra nos bellum
ubi milites nostri interfecti sunt. igitur coacti ob metum mali
quod contra nos exercere non cessabat ipse Donadeus cum omnibus
sibi faventibus contra nos die noctuque, et formidantes ne
deteriora pateremur, refutavimus illi ipsam terram consilio iudicum,
videlicet Petri Sabinensis et Iohannis Hortanę civitatis,
asserentium quod nequaquam ipsa refutatio vel traditio valere vel
permanere posset per legis iudicium, sed in hoc monasterio omni
tempore firma et stabilis perseveranda. pręterea domnus Berardus
abbas pręparatus fuit in medio mensis novembris ad iustitiam
faciendam et recipiendam a Donadeo Bonihominis de invasionibus
quas fecerat ipse Donadeus de rebus huius monasterii
positis in locis nuncupatis, scilicet in pertinentia Fare ubi dicitur
Postmontem, et in pertinentia Scandrilię ecclesiam Sancti Petri
cum omni pertinentia et sicut tenuit Gonzolinus et Oderisius Adulterinus,
|
|