8. AMBROS. Si enim voluntas . Quoniam Corinthii
ad hoc opus provocantur, hoc eis indicitur, ut non
plus tribuant quam possunt, ne plus forte offerentes
coacti, non voluntarii, viderentur sine mercede
futuri: quia qui coactus aliquid facit, mercedem non
habet.
9. LANFR. Secundum id quod , etc. Vel ille dat
secundum quod non habet, qui de quinque solidis,
dat quatuor; quod faciendum est illi, qui habet
decem libras, vel hujusmodi. Diceret aliquis: Non
valet si darent secundum quod habeant; illi enim
Macedones, plusquam posset eorum pati facultas,
dederunt. Ad hoc respondet: Si enim, etc. Quod
est: Qui vult dare secundum id quod habet, acceptus
est Deo, non tantum ille qui vult facere ultra quam
habet. Vel ita: Voluntas prompta facere ultra quam
possit, secundum id quod vult, est accepta, non
secundum quod potest.
10. AMBROS. Sed ex aequalitate . Non enim plus
exigitur, quam sibi debent retinere, quia diliges ,
inquit, proximum tuum sicut teipsum .
11. Vestra abundantia . Id est, hi qui facultates
habent, ministrent sanctorum inopiis, ut iterum
illic sancti ubi sunt divites, et isti inopes, communicent
his, quasi vicem rependentes ministerio
illorum.
12. Ut fiat aequalitas . Haec est aequalitas, ut, quia
isti in hoc tempore ministrant sanctis, reddant [ al .,
reddantur] illis vices in futuro.
13. Qui multum non . Plus habent sancti in spe futuri
saeculi quam hi qui hoc tempore videntur divites,
et tamen aequabuntur illic utrique, ut sicut beneficio
horum, sanctorum inopia sustentatur, ita beneficio
sanctorum divites fiant hi in futuro saeculo, in quo
(52) Epistula redundat, vel sane inter parenthesin
|
|