nos frater I permissione divina archyepiscopus ravennatensis
ad instanciam dicti P R ipsum fecimus ad
iudicium evocari.
Cui R coram nobis in iudicio constituto prefatus P
infrascriptum libellum obtulit: coram vobis reverendo patre
domino I etc.
Super quo quidem libello contestacione litis legittime
facta, et iuramento calumpnie prestito sollempniter ab utroque,
productisve quibusdam testibus et instrumentis
pro parte dicti P, et ipsis testibus de voluntate parcium
postmodum publicatis, ipse partes — renunciantes probacionibus
aliis omnibus in posterum faciendis — in ipsa causa
voluntarie concluserunt.
Nos igitur, visis et diligenter inspectis predictis libello
et testibus instrumentis terminis et aliis omnibus inter
ipsas partes factis et habitis coram nobis, et super hiis
omnibus conmunicato consilio peritorum, inter nos habita
deliberacione sollempni, dei nomine invocato, presentibus
ipsis partibus in termino sibi dato ad hanc sentenciam audiendam,
prefatum R ad dandum et solvendum eidem P
decimas in predicto libello petitas et expensas legittime ob
hoc factas, quarum taxacionem nobis in posterum reservamus,
in scriptis sentencialiter condempnamus.
Lata et pronunciata fuit hec sentencia per dominum
archyepiscopum pro tribunali sedentem, in . . loco, presentibus
. . et . . anno domini etc.
e.
Aliquando non servatur taxacio expensarum, set statim
lata sentencia iudex taxat eas, et facit actorem iurare.
et tunc ita scribitur: prefatum R ad dandum et solvendum
eidem P decimas in libello petitas, et expensas legittime ob hoc
factas, quas in iiii marcis steriligensibus taxamus, super quibus,
ab ipso corporale recepimus iuramentum quod tantum expenderet
in hac causa — vel sic: quas expensas in eadem causa se fecisse
iuramento de novo prestito declaravit — in hiis scriptis
sentencialiter condempnamus.
|
|