consueuimus, hoc pacto quia scriptum est: obsequia filiorum
parentes letificant, et ipsorum benedictionibus filii iugiter
augmentantur.
Salutationes parentum ad filios.
Petrus pater et Maria genitrix Johanni dilectissimo filio
paternam cum salute benedictionem, integram salutem et perpetuam
benedictionem .
Salutatio filiorum ad parentes.
Salutatio uero filiorum ad parentes ea utique dirigatur
que superioribus a subditis conuenienter dirigi superius
denotatur, sic: filialem cum deuotione reuerentiam, filialis reuerentie
famulatum , et similia.
Salutatio parentum ad filios longinquos.
Petrus et Maria dolore potius quam temporis diuturnitate decrepiti
N unicum filium, suorum lumen oculorum, senectutis baculum,
tediose uile solatium , duritiam cordis relinquere , et ad
parentum tumulanda saltem corpora remeare .
Salutationes filiorum delinquentium ad ipsos
parentes.
Petro et Marie parentibus N, quondam filius, nec filiali
dilectione priuatus, quondam carus, nec sine causa uilis factus,
quicquid potest, licet nichil posse uideatur.
Item. N dilectissimo domino, uel patri carissimo, uel propinquo,
uel fratri, uel socio, N ferreis uinculis conpeditus, uel
durissima carceris custodia mancipatus, uel grauibus catenarum
nodis astrictus, omnimodam salulem qua caret penitus, omnem
cum salute prosperitatem, si quidem non habetur, mittit , et similia.
Consideratio in salutationes.
Preterea considerandum est diligenter, ut aliquoties
tales salutationes epistolis ponere studeamus que scilicet
materie de qua consequenter tractaturi sumus conpetere
uideantur.
Ueluti si quis uelit aliquem corripere qui bonos deseruit
mores et pravis adhesisse uisus est, sic salutem proponat:
|
|