CONTINUATIO.
Eodem anno et millesimo prope sanctum Petrum, scilicet in Kalendas Iullii
usque ad Kalendas Ianuarii, domnus Andriolus de Gulforanis de Cremona potestas
Regii, et stetit per menses sex. Et domnus Gibertus de Arcellis de . . . . . .
capitaneus populi Regini, qui stetit per sex menses, scilicet a Kalendis Augusti
usque ad Kalendas Februarii, et dicta civitate fecit satis bonum regimen.
Anno Domini millesimo ducentesimo octuagesimo sexto domnus Bonifacius
Lupus de civitate Parme factus fuit potestas civitatis Regii per sex menses, scilicet
a Kalendas Ian. usque ad Kalendas Iulii, et fuit homo satis modici valoris. Et
eodem millesimo domnus Guido de Foliano de Limisina factus fuit capitaneus
populi per sex menses, scilicet a Kal. Februarii usque ad Kal. Aug. Et in ipso
tempore, die quinto Aprilis mortui fuerunt domnus Guido de Bianello et Bonifacius
frater ipsius in pratis de Templo, dum irent ad castrum Bianelli, per Scarabellum
de Canosa. Et Açolinus filius Guidonis de Bareto, et multi alii mortui fuerunt.
Et dictus dominus Guido fuit detentum per potestatem, eo quod dicebatur,
quod fecit fieri illud maleficium; et fuit infra pauchos dies relasatus. Eodem M.
die tercio Iullii, in die pentecostes Bonifacius Boiardus cum quibusdam de illis
de Bismantua et aliis sbandictis de civitate et cum multis aliis de civitate Mutine
intravit monasterium sancti Prosperi, quod sibi datum fuit per prodictionem
quorundam monachorum dicti monasterii; et nisi donus Guilielmus de Lupicinis
abbas ipsius monasterii affugisset, dicitur, quod interfecissent; qui cum non possent
ipsum habere, ipsum locum derobaverunt et ad civitatem Mutine perexerunt;
propter quod in civitate fuit magna turbatio, ita quod tota civitas ad arma cucurit;
et XL stipendiarii comunis in ipso negotio valde se bene habuerunt non permittendo
aliquem de magnatibus ascendere plateam comunis. Sed domnus Bernardus |
|