venerit parere mandatis, rescribentes nobis fideliter per
vestras patentes litteras harum seriem continentes, vel
instrumentum publicum, quidquid inde duxeritis faciendum.
Datum etc.
B .
In curia romana non consuevit apponi illa clausula
ultima que incipit: rescribentes nobis fideliter etc. set loco illius
apponitur ista: reddite has litteras, sigillo vestro munitas,
mandato conpleto.
Et sic fiunt due caude in littera quando quis exconmunicatur.
in una appenditur sigillum exconmunicantis,
et mittitur sic ad eum qui debet denunciare. ille vero
postquam denunciaverit, apponit sigillum suum eidem littere
in alia cauda, in signum quod est mandatum conpletum.
et aliter non rescribitur.
Tucius autem credo, et maxime extra curiam romanam
ubi dicta consuetudo non sit, rescribere clare et aperte
omnia que fecit, secundum quod superius in titulo de modo
rescribendi notatur.
Nec variatur in predicta curia verbum quod post salutacionem
apponitur, set semper apponitur in huiusmodi
iudicialibus litteris sic: salutem in domino.
C . Sentencia exconmnnicacionis in alia forma.
Frater I etc. dilecto in Christo filio etc.
Discrecioni vestre presencium tenore conmittimus, et
districte precipiendo mandamus, quatenus R de tali loco —
quem per presentes ob contumaciam exconmunicamus in
scriptis, pro eo quod legittime ac peremptorie citatus, ut
in causa quam sibi movet seu movere intendit P de tali
loco super quadam summa peccunie et rebus aliis coram
nobis certo termino conpareret, super premissis eidem P de
|
|