Mente sub intenta vati succurrere tempta,
invidiam seda, lusibus apta dea.
Cum semper perdant, cum magnis vilia certant:
si ratione caret, vincere nemo valet!
Dando fidem dictis recitetur fabula piscis
vincere cara monens, vilia victa docens.
Flumine deiectum, rabido quem turbine vectum
fulgentem squamis excipit unda maris,
aequoreos spernit pisces, splendore superbit
et verbis nocuit quam ferius potuit:
'argenti lama magis est mihi fulgida squama,
penna mari similis monstra vehit viridis.'
[est vobis miseris penna mari similis.]
Postquam derisit quos nare per aequora vidit,
cum iactando ferat quod speciosus erat,
ira ferox phocae dat talia murmura voce:
'vanior es vanis, talia quando canis;
si capiar tecum, si plebs diiudicat aequum,
iudicio plebis tu superatus eris.'
|
1
5
10
15
|