220
8 Illis enim diebus cum plurimae urbes per predicatores et
sanctiloquos uiros uerbum Dei suscepissent, et ad Christi fidem
inihanter affectarent et iam gregatim concurrerent, sola
miserrima Narnia, quae Nequina uocata a nequitia, immunis
remanserat a gratia predicationis, forte non absque diuina dispositione,
quia futura erat curari et omnibus uitiis expoliari a
faustissimi Iuuenalis predicatione et medicamine. 9 Cum autem
eadem ciuitas solecismis et barbarismis studeret, et omnibus
vitiis polleret, et nullus locus lateret, qui fanis non esset
repletus, et diuerso sacrificiorum ritu cotidie sacrificabant Ioui,
Iano, Herculi, Marti, Saturno, Vintumno, Sentino, Iunoni,
Mineruæ, Cereri, Dianae, Fortunæ, Libero patri, Cironi, Neptuno,
Vulcano, ceterisque numinibus, quae magis demonia
quam numina comprobantur. 10 Occasione redemptor humani
generis reperta, sanctum Iuuenalem ex Africae partibus huic
ciuitati destinari uoluit hoc modo, quod in sequenti dicturi
sumus.
11 Dum Augustus Cesar contra Persas bellaturus procederet,
eum ingenti caterua militum stipante, et de omnibus nationibus
milites ad eius imperium concurrentes, sola Narnia
eius iussa contempnens consequi floccipendebat. 12 Qui dum
se taliter Augustus uidisset contempni, et expeditionem relinqui
nullo modo auderet, quia sic se tempus exigebat, ipse
cum fortissimis militibus bellaturus adiit Persidam et genti
Carporum Narniam destituendam donauit. 13 Post cuius processionem
ipsa gens Carporum diuersis machinis et apparatu
cum ingenti letitia obsidentes, ad hoc perduxerunt habitatores,
ut inter se gladiis interficerentur, ut unus, qui remaneret,
suo gladio incumberet. 14 Post hoc factum alacres redditi Carpi
et compotes uoti effecti, securi iam ingressi ciuitatem,
|
|