Pag 302

ualde sedensque super equum suum ingressus est pugnan et
cepit uiriliter preliari. Greci uero et Macedones fortissime impugnabant;
statimque ceperunt Indi deficere in bello, quos
Porus comminui uidens tergauersus aufugit. Indi uero, qui
remanserant, similiter fugiebant etc.
Quomodo Alexander castrametatus est etc.
Alexander uero castrametatus est ibi fecitque diis suis
uictimas et precepit tam Indos quam Persas et Macedones
sepeliri. 81. Altera uero die expugnauit ipsam ciuitatem Pori
et apprehendens eam Alexander ingressus est palacium Pori
et inuenit ibi, que incredibilia humanis sensibus uiderentur,
uidelicet quadringentas columpnas aureas cum capitellis aureis
preparatas et inter ipsas columpnas uinea aurea cum margaritis,
alii ex meraldis et alii michmite, ita quod naturaliter uiderentur,
inserti. Parietes uero ipsius palacii erant de laminis aureis cooperti,
quos intendentes ad instar unius digiti attrahebant.
Erantque ipsi parietes ornati ex margaritis et carbunculis, ex
meraldis, amatistis. Porte uero ipsius palacii erant eburnee,
laquearia abiena, camare de lignis preciosissimis. Erantque
ibi statue auree constitute, inter quas erant plactini aurei. In
quorum ramis auium multa genera consistebant, et auis quelibet
secundum suam naturam depicta erat. Rostra uero et ani ungule
ex auro purissimo uidebantur. Hee uero quocienscumque
uolebat Porus melodificantes secundum suam naturam per artem
magicam concinnebant. Et inuenit in ipso palacio innumerabilia
uasa aurea inserta gemmis cristallinis omni genere facta, pauca
uero argentea etc.
Quomodo Alexander uenit ad portas Caspias
82. Exinde amoto exercitu uenit ad portas Caspias et
castrametatus est ibi. Erat enim ipsa terra ualde bona, sed in
ea multa genera serpentum habitabant. Deinde scripsit epistulam
ad reginam Talistridem Amazonum ita continentem etc.
Littera Alexandri missa Talistride regine Amazonum
"Rex regum et dominus dominancium Alexander, filius dei
Annonis et regine Olympiadis, Talistride, regine Amazonum,
gaudium etc. Pugnas, quas cum Dario peregimus, et qualiter
omnia regna eius subiugauimus, uos non credimus ignorare.
Pugnauimus cum Poro, rege Indorum, et aliis gentibus innumerabilibus
et nullatenus nobis resistere potuerunt. Quapropter
uobis precipimus: Si uultis terram uestram a nostris manibus
liberare, nobis censum et tributa soluatis." 83. Ad hec scripsit
Talistrida sic: