dependentes, turbantur ex merito, qui, velut fons irriguus Eufraten,
aquas dulcedinis fundens in gentibus, deiectum oratione Tullium sue
lingue misterio reformabat. Ad eius igitur primeve restitutionis ymaginem,
cum cumulate preces precantis affectum exprimant et venerabiliori
instantia emolliant animum concedentis, una queso mecum, cui
tanto subest materia dolendi prolixior, quanto de sue sospitatis adventu
fecundioris gratie fiducia speraretur, ad sedentis in throno potentiam
intercessores assistite, ut, ubi alterne conditionis disparitas et dissona
vocis emissio effectum suspenderet imperantis et executionem
petitionis forsitan impediret, oratione multiplici divinam movente clementiam
et vocum congerie supernam dexteram excitante, pugnet
et stimulet salutem circumvagam, et, velocius terminans cursum
suum, metam preveniat et medicinam adiciat salutarem, per quam
infirma roboret membra patris et expectantium filiorum, votivis successibus,
vota restauret.
|
|