Iohannes Monachus: Chronicon Vulturnense, II

Pag 84


monasterii, liceat advocatorem per inquisicionem circa manencium
libertorum hominum, sicut lex habet, hoc definire, et cum definitum
fuerit, tunc demum ipsas res et familias pars predicti cenobii
nostra preceptali auctoritate habeat atque possideat iure quieto.
Recipimus preterea pretaxatum monasterium cum omnibus pretaxatis
monasteriis, et cellis, rebus quoque et familiis ibidem aspicientibus
una cum fratribus ac monachis ibidem Deo famulantibus
sub nostre tuicionis munburdum. Statuentes ut abbates et prepositi
eiusdem loci, iuxta priscam consuetudinem, ad communem
utilitatem fratrum sua disponant, absque alicuius contradiccione.
precipientes itaque iubemus ut nullus dux, marchio, comes, vicecomes,
castaldeus, seu quelibet regni nostri magna, parvaque persona
res predicti monasterii invadere, seu homines liberos, et servos
distringere, pignorare, seu molestare audeat, absque legali iudicio,
neque pensionem ab eis iniuste exigere presumat. Si quis igitur
huius nostri precepti confirmacionem seu munburdi tuicionem aliquando
infringere conatus fuerit, sciat se compositurum auri optimi
libras centum, medietatem Camere nostre, et medietatem parti
predicti monasterii. Quod ut verius credatur, diligenciusque ab
omnibus observetur, manibus propriis roborantes anulo nostro insigniri
iussimus. Signum serenissimorum regum [MM]. Giseprandus
cancellarius ad vicem Bosonis episcopi archicancellarii, recognovi.

Torna all'inizio