9. Qui hoc geminum preceptum caritatis
mente humili contendit obseruare,
uere hic in Christo manet et in illo,
nocte sceleris expulsa, manet Christus.
Vbi caritas est uera, deus ibi est.
10. Ardua et arta uia ducit sursum,
ampla est adque deuexa que deorsum.
Sed perennem dat fraternus amor uitam,
et perpetuam maligna lis dat penam.
Vbi caritas est uera, deus ibi est.
11. Unanimiter excelsum imploremus,
ut det pacem clemens nostris in diebus,
iungat fidei speique opus bonum,
ut consortium captemus supernorum.
Vbi caritas est uera, deus ibi est.
12. “Gloria aeterno regi” decantemus
et pro uita dominorum exoremus,
multos ut cum ipsis annos gaudeamus,
propter quorum hic amorem congregamur.
Vbi caritas est uera, deus ibi est.
|
|