DE DOTRINA ARTIS.
Et nota quod tutor testamentarius non debet, nec
tenetur, satisdare, hoc est dare fideiussorem. Alii vero
sive sint legiptimi, sive dativi, tenentur, est enim tutor
testamentarius qui in testamento continetur, legiptimus
est qui proximior est consaguinitate ex latere patris,
dativus est qui est datus per iudicem vel potestatem. Et
nota quod in masculis dicuntur tantum tutores, set in mulieribus
tutores et mundualdi, scilicet [in] pupillabus,
et in maiori dicitur tantum mundualdus, et dicitur
tutor, hoc est defensor, et mundualdus, hoc [est] habens
potestatem in muliere.
(DE DATIONE TUTORIS VEL MUNDUALDI DATI PER
POTESTATEM VEL IUDICEM).
(Cum talis et talis pupilli, filii quondam talis, tutorem
vel mundualdum non haberent, veniens talis coram
tali, potestate Florentie, et eius iudice, dictorum inpuberum
seu pupillorum tutelam sibi ab eo dari petiit.
Qui potestas, citatis angnatis et congnatis ipsorum, et
diligenti habita inquisitione et iudicaria, congnitione talis
iudicis sui, dictum I., sua [et] comunis Florentie autoritate,
in tutelam ipsorum constituit, et eis ipsum in
tutorem et mundualdum dedit et firmavit; qui tutor et
mundualdus iuravit et promisit, more tutorio et cetera,
ut supra. Et talis pro eo, et eius rogatu et mandato,
exititit fideiussor et cetera, ut supra vel ita).
DE DATIONE TUTORUM ET DE INVENTARIO AB EIS
FACTO CORAM POTESTATE VEL IUDICE.
In Dei nomine amen. Mulier talis, uxor olim talis, et
mater talis pupilli filii sui, et olim dicti talis, cum idem
pupillus non haberet tutorem, et cognosceret talem proximiorem
agnatum et patrum ipsius pupilli, se [volens]
legiptime a tutela eius excusari coram tali iudice
in tali curia, sicut patet per scripturam publicam factam
|
|