13. En, ecce locus, ubi fuit positus
Dominus. Ite, dicite discipulis:
Surrexit autem, Galileam petiit,
destruxit eum, qui mortis imperium
habebat ante, sicuti praedixerat.”
14. Ibant alacri pectore feliciter,
occurrit illis lesus, mundi gloria,
mitis, suauis ac desiderabilis,
totus benignus, dulce desiderium,
salus perennis eternorum ciuium.
15. Spes namque mundi salutaris unica,
fons, uita, uirtus, sempiterna ueritas,
pietas ardens, omnis consolacio,
uultu sereno solis super radio
dixit: “Auete” sanctis mulieribus.
16. Ille sacratos ac desiderabiles
sanctosque pedes tenuerunt dulcius,
dedere strictim basia melliflua,
plantas beatas non cessabant lambere
per mille uices uenerandis labiis.
17. 0 quam beatas, felices, lectissimas
quapropter istas mulieres dixerim!
Sed nullus inest mihi sermo facilis,
qui possit harum saltim summum tegminis
de laude filum promulgando tangere.
18. Istos sacratos patriarche nobiles,
multi prophete, reges et pontifices
pedes uidere uoluerunt anxie,
sed non uiderunt, quos felices femine
dulci retentu meruerunt stringere.
|
|