postponatis inultam. Nam cum ad
alterutrum teneamur, et nos Romanum honorem
et vos Romani defendere nomen nostrum
si ad hoc vos segnes et negligentes
invenerimus, cum nullus timor nos coegerit
ad beneficia Romanorum, sed gratia
induxerit specialis, per ingratitudinem istam,
licet inviti, cogemur, ab universis et singulis
exhibitam gratiam revocare.
Cap. VIII.
Comitibus, principibus, et aliis nobilibus, super
obsidione Fauentiae, et captione Legatorum et
Praelatorum vocatorum ad Concilium.
Adaucta nobis continuae felicitatis auspicia,
quibus dextera Domini prosequitur
gressus nostros, desiderium
vestrum volumus non latere. Cum enim in
obsidione Fauentiae, praeterita hyeme fixa
fuerint victricia nostra castra, et insultibus
propter asperitatem temporis non pateret: sed
machinis et instrumentis bellicis, intus et
exterius dicta civitas quassaretur: et muris
ex continuo machinarum ictu collapsis ac per
subterraneas vias, quas nostri fecerant attingentes
moenia civitatis et intima penetrantes,
verni temporis adveniente temperie, cives