Item de eodem Antonio Aurelio Caracalla versifice, qui regn. ann. 8.
Tertius Antonius Severi filius extat,
Imperii qui Romulei fit diva potestas.
Ipsius Antonii longa columna fuit.
Nunc gens Gothorum movet incentiva malorum,
Opprimit Ausoniam, Persas terramque Medorum;
Primus et ipsorum fervet in orbe dolus.
Presul Eleuterius quindenos perficit annos,
Sex menses et quinque dies, Grecus venerandus.
Vixit et Antonius sex simul atque duos.
25. De Macrino imperatore, 19. ab Augusto, qui regn. ann. 1.
Cesar Macrinus spatio perpenditur imus;
Nil habet istorie, si promere gesta velimus,
Vix anni spatio vixit in orbe suo.
Cesare Macrino post tempora pauca relicto,
Annis papa decem consedit nomine Victor,
Atque duos menses addo decemque dies.
26. De Marco Aurelio imperatore.
Anno ab incarnatione Domini 221. Marcus Aurelius, sacerdos templi Eligaballi, 20. ab Augusto, sortitur imperium.
Iste fertur vitam duxisse flagitiosam. Ipse etiam anno imperii sui 4. a tumultu militum cum matre sua necatur.
P. 167 v. 10 post duos addit A:]
Francia fortuitu proprio dum rege careret,
Et Gaudina duos reges fratresque teneret,
Hii duo cum Francis iam nova bella gerent.
Consilio matris iuvenes reges memorati
Bella parant gratis, veniunt pugnare parati,
Climata Francorum tollere posse rati.
Miles erat validus Pipini semine natus,
Carlo Martellus genitus per concubinatum,
Nobilis Alfeida tunc sibi mater erat.
Iste Maguntinum regnum defendere querens,
Francorum populis solita virtute coheret;
Dux etenim patrie tunc erat atque pater.
Viribus istius Francus sua iura tuetur;
Instructis cuneis vehementer in arma movetur
Congreditur cetus, pugnat uterque secus.
Karlo manu propria reges utrosque peremit.
Francus ad hec victor reliquos percussor ademit,
Quos ubi pugna premit, Gallia tota gemit.
Dux ubi procedit, pars altera victa recedit.
Hos ita dum cedit, cito Gallia prorsus obedit.
Parisius sedit dux; nova iussa dedit.
Iussa dedit Carlo, quod non Gaudina vocetur,
Set quesita sibi quasi Francia facta putetur,
A Francis genita nomen Francigena.
Insuper ad laudem venture posteritatis
Semper Karlingi sunt a Carlone vocati:
Hoc sibi pro titulo dux dedit ille suo.
Quos sibi Gaudinos tunc Gallica lingua vocavit,
Francia Francigenas bene Karlingosque notavit,
Nomine participes et probitate pares.
P. 167 v. 17 post dies addit A:]
Indomitos Frisones Carlo Martellus adegit,
Regem Francigenam belli statione subegit,
Undique Francorum climata salva regit.
|
|