Data .XIIIo. kalendarum augustarum, anno Dominice incarnacionis
.DCCCCXLI., regni vero domni Ugonis piissimi regis .XVo., Lotharii
autem .Xo., indiccione .XIIII. Actum in Campania, iuxta oppidum
Romanie, feliciter, AMEN.
ADHUC autem locus iste bestiis et avibus latibula prebens,
hominibus omnino vacabat. aliquanti tamen, quorum Deus
virtus, et refugium erat, anachoretarum more viventes, iuxta ecclesiam
Domini Salvatoris sibi habitacula constituerant, in quibus
degebant.
DE TOCCU, TERRA IN LOCO, QUI DICITUR LARI, LIBELLUM.
IN nomine domini nostri Iesu Christi Dei eterni, .XI. anno
principatus domni Landulfi gloriosi principis, et .VIIo. anno
principatus domni Pandulfi filii eius, mense octubri, .VIIIIa, indiccione.
Ideoque ego Milo iudex, filius eiusdem Mili, habitator in
castello Toccu, manifestum facimus, quia in presenti mense et
indiccione, per scriptum libellario nomine, secundum legem nobis
dedit domnus Leo, venerabilis abbas monasterii Sancti Vincencii,
|
|