statutorum, capitulorum, ordinamentorum seu reformationum exnunc
cassas et irritas nuntiamus.
[XI] Item statuimus quod nulla civitas aut alia qualibet universitas
sive potestas vel officialis alicuius civitatis seu universitatis seu
persona ecclesiastica vel secularis impediat vel impediri faciat vel
concedat aliquos vel aliquem defferentes seu deferre volentes victualia,
fodrum, seu grassiam ad locum, ubi nostra Curia morabitur, vel exercitus
Ecclesie fuerit, et si quis contrafecerit, nostro arbitrio puniatur;
statuta et ordinamenta cuiuscumque loci in contrarium edita vel
edenda, nullius decernimus esse momenti; quelibet etiam persona
possit ad dictum locum impune ac libere talia deportare. Et quod
aliqua civitas vel comunitas vel locus vel singularis persona ecclesiastica
vel secularis audeat vel presumat per se vel per interpositas
personas exigere, capere vel extorquere aliquod pedagium, telloneum,
gabellam, datium vel aliquam exactionem quocumque nomine censeatur
de aliquibus victualibus, que ad civitatem vel locum, ubi fuerimus,
vel ad exercitum Ecclesie portarentur; et per quamcumque
personam portarentur, sive transducerentur cum bestiis vel alio modo,
sub pena civitati mille marcharum argenti, universitati vel loco V,
singulari persone CCC Camare Romane Ecclesie applicandarum, et
plus et minus nostro arbitrio auferenda. Et hec constitutio locum
habeat pro tempore, quo presens guerra durabit.
[XII] Item statuimus, precipimus et mandamus quod si qua comunitas
vel quelibet persona resistere temptaverit, iudicibus, notariis,
vel baiulis sive plaçariis Curie nostre vel aliis officialibus iura redentibus,
vel sententias seu precepta Curie executioni mandantibus, vel
aliis suum officium exercentibus; si comunitas civitatis fuerit, CC marcharum
argenti penam incurrat, si comes baro vel castrum C, nobilis
et villa quinquaginta, et si pedes XXV, et nichilominus, si iniuriam
intullerit dictis nostris oficialibus, iniurias (sic) pro qualitate
pacientis et personarum nostro arbitrio puniatur.
[XIII] Item statuimus quod nulla civitas vel comunitas cuiuscumque
loci, vel potestas seu quivis alius offitialis civitatis aut universitatis
alicuius, seu alia quacumque persona prohibeat vel impediat
vel prohibi vel impediri faciat vel concedat occasione alicuius statuti
seu ordinamenti vel reformationis publici vel occulti seu aliqua alia
occasione aliquem volentem prosequi ius suum in Curia Romane
|
|