futurorum universitas noverit, qualiter quidam abbas nomine Leo
cenobii Christi Martyris Vincencii, sito in finibus Beneventanis
nostram adiens celsitudinem, detulit nobis precepta precessorum
nostrorum imperatorum, et regum, ac parentum nostrorum, videlicet
Desiderii, Caroli, Ludovici, atque Lotharii, et Hugonis et Lotharii,
per que contulerunt ex suis rebus in prefatum monasterium
ac confirmaverunt res et possessiones ibi a principibus, ducibus,
reliquisque fidelibus collatas. unde prefatus abbas nostram exoravit
clemenciam, ut eadem precepta, ac legales scripciones, nec
non predia per diversos fines regni Italici coniacencia eidem cenobio
collata, per nostre confirmacionis preceptum in prefatum
venerabilem locum confirmaremus. cuius peticionibus faventes,
pro Dei amore, animarumque nostrarum remedio, per hoc nostre
confirmacionis preceptum, prout iuste et legaliter possumus, confirmamus
ac penitus corroboramus in predicto cenobio Christi Martyris
Vincencii omnia precepta precessorum nostrorum imperatorum,
et regum, seu parentum nostrorum, videlicet Desiderii,
Caroli, Ludovici, atque Lotharii, et Hugonis et Lotharii, verum
eciam omnes res et possessiones per diversos fines regni Italici
positas per eadem precepta, vel quolibet legalis titulo scripcionis
a principibus, ducibus, reliquisque fidelibus ibidem collatas, nec
non monasteria, et cellas inferius nominatas: monasterium siquidem
|
|