prima causa per aequalitatem suae bonitatis magnitudinis, etc.
est intelligibilis, recolibilis et amabilis aequaliter. Et in isto passu
cognoscit intellectus, quod demonstratio potest fieri tribus modis:
Per quid, aut per quia, aut per aequalitatem uel aequiparantiam.
Tertius modus est, quando quaeritur:
16. Quare peccatum est magis circa nihil, quam circa aliquod
aliud ens? Et dicendum est, quod propter hoc, quia magis
repugnat fini essendi.
17. Quaeritur: Vtrum differentia, quae est inter sensuale et
sensuale, sit maior, quam illa, quae est inter sensuale et intellectuale,
et quam illa, quae est inter intellectuale et intellectuale?
18. Adhuc: Vtrum ista differentia quae est inter principium et
medium, sit maior, quam illa, quae est inter medium et finem?
19. Similiter potest quaeri de differentia, quae est inter substantiam
et substantiam, etc. Et respondendum est: Per ea, quae sunt
significata in triangulis supra dictis subiectiue et obiectiue,
mediante regula de B.
3. DE QVAESTIONIBVS TERTIAE FIGVRAE
Dictum est in tertia figura, quod quodlibet principium applicatur
alteri. Et ideo quaeritur:
20. Vtrum contrarietas sit tantum applicabilis bonitati, magnitudini,
etc., quantum concordantia? Et dicendum est, quod non.
Contrarietas enim applicatur eis priuando, contrariando, concordantia
autem ponendo et concordando.
Dicitur in tertia figura: Bonitas est magna. Et ideo quaeritur:
21. Quid est bonitas magna? Et respondendum est, quod
bonitas magna est illa, quae absque contrarietate et minoritate
conuenit cum omnibus principiis et suis correlatiuis.
22. Quaeritur: Bonitas ubi est? Vade ad cameram B I, et recipias
significata.
23. Quaeritur: Bonitas de quo est?
|
|