votum liberi reddimur; et resumpta victoria
fortiores ad negotia regni nostri sic magnifice
promovenda, quod omnium rebellium
contumacia ad ima deflexa, plena pax et tranquilla
quies nostris fidelibus ministretur: et
qui sedem ab Aquilone ponere nititur spe frustratus,
in irritum deducatur. Et dum causam
nostram Rex regum, et Dominus virtutum,
et justitia defensabunt, per Majestatis
nostrae potentiam, noster convictus adversarius
comprimetur. Supplicationi vero tuae,
quam pro liberatione R. de Placentia Excellentiae
nostrae tuis literis obtulisti, taliter respondemus:
Quod cum tractatus quosdam
prae manibus habeamus, honori et profectui
nostro plurimum fructuosos, propter quod
liberatio praedicti R. Curiae nostrae nullatenus
expediret, ad praesens non ferat aegre tua devotio,
si nunc preces tuas ex causa praedicta
duximus suspendendas.
Cap. LXIII.
Capitaneo, quod mittat nomina Potestatum,
Vicariorum et Castellanorum suae jurisdictionis,
et salaria eis debita annuatim.
Contigit interdum, dum quod servitia
grata fidelium praemiorum retributione
prosequimur; dum terris nostro
dominio subditis, ad eorum salubre regimen
de rectoribus providemus, beneficia nostra
quo debent, et volumus eventu non gaudent;