Campo Arsicio, et in Casarina, et in Calcaria, et in Centu casalem
unum, et de silva et de colle Augusti, et in Serrano de casale Burronis,
et in castello Tribuco, et in Fisiniano de silva et arboribus pro
solidis .L. in casale Sancti Laurentii de casale Sabbonis quartam
partem pro solidis .XV. in Paterno quoque domnus Hugo
abbas pręfatus concessit quasdam res pro solidis .L.
Item, relatio constitutionis domni H[ugonis]
abbatis
Audite, fratres dilectissimi et domini mei amantissimi, quod
modo coram Deo omnipotente et domina nostra Maria perpetua virgine
profiteor vestrę sanctitati. denique cum in hanc abbatiam
cupiditate honoris captus venire auderem, pecuniam optuli domno
papę et studui eam, acquirere inique. post hęc, recognoscens me
graviter deliquisse, cepi de hoc ingemiscens cogitare et de huius
monasterii redintegratione, si forte michi propter hoc misereretur
Deus et per suę sanctissime Genitricis intercessionem si aliquem
fructum efficere possem ad huius cenobii recuperationem.
Erat enim tunc iste locus in omni religione pene destitutus,
ita ut plures monachi seculariter et cum maxima lascivia forent,
carnem in refectorio manducantes et irreligiose viventes. Vestimenta
quoque non monachica sed quasi laicalia ad suum libitum
ferentes. perrexi igitur primo ad Sublacenses monachos et huc
inde sustuli aliquos quia michi aliquantulum videbantur incedere
melius. sed non multo post eorum cognita religione, non ut
|
|