quia sine misericordia peccatores puniebat, vel quia
post adventum Christi, ad litteram observata, animae
mortem ministrat. Novum vero Testamentum ministratio
spiritus dicitur, vel quia per ipsum Spiritus
sanctus observanti datur, vel quia in eo vetus lex
spiritualiter intelligitur et servatur.
9. AUGUST. ( lib . II contra advers. legis et prophet. ,
c. 7, tom. VI). Ita ut non possent filii Israel . Quod
non poterant filii Israel intendere in faciem ejus,
propter gloriam vultus ejus, signum erat quia in
lege Christum intellecturi non erant; et ideo velamen
inter faciem Moysis et illos positum erat, ut
non intenderent, sicut scriptum est: Filii Israel
usque in finem, etc.
10. LANFR. Nam nec glorificatum est . Ordo: quod
claruit, nec glorificatum est in hac parte, propter
excellentem gloriam. Exponit gloriam praedicatorum
Novi Testamenti. Dicit enim quod facies Moysis, quae
in legis veteris latione claruit, non potest dici glorificata,
in consideratione istius partis, id est, si ad
apostolorum gloriam referatur, propter excellentem
gloriam quam habent et habituri sunt.
11. Quod evacuatur . Velamen veteris legis aufertur
nunc, quia modo exponitur quidquid legales observationes
significaverunt.
12. Dominus autem spiritus est . Ordo: Spiritus
sanctus est Dominus, et potest operari quod vult;
ac per hoc quod quos vult illuminat, quos vult in
tenebris ignorantiae deserit.
13. Ubi autem Spiritus Domini . Exponit causam
cur Judaei libere non possunt intelligere Vetus
Testamentum, et cur praedicatores Novi Testamenti
ipsum libere intelligant: videlicet quia illi Spiritum
Dei non habent, hi autem habent.
14. Ibi libertas? Ab Israele converso auferetur
velamen; libertas enim Dei erit in eo, quia Spiritus
|
|