Maeniana aedificia a Maenio sunt appellata. Is enim primus
ultra columnas extendit tigna, quo ampliarentur superiora.
Maesius lingua Osca mensis Maius. Osci enim a regione
Campaniae, quae est Oscor, vocati sunt.
Maiestas a magnitudine dicta.
Maior magistratus consul dicitur.
Mas deminutive facit masculus.
Matertera matris soror, quasi mater altera.
Matertera patris et matris mihi magna matertera est.
Maior patruus avi et aviae patruuns.
Maior avanculus avi et aviae avunculus.
Maior amita avi et aviae amita.
Maior socer uxoris meae proavus.
Maior socrus uxoris meae proavus.
M<a>eandrum geuus picturae dictum est a similitudine
flexus amnis, qui appellatur M<a>eandrus.
Maecia tribus a quodam castro sic appellatur.