istius sceleris, reddidit Castellum Sancti Mauri,
quod infauste tenebat, Beato Clementi per
manus Gisonis Abbatis: In cujus tempore quidam
potentes, videlicet Robertus Trogisii, et
Gerardus de Conjulo, cum fratribus suis, occupabant
bona Ecclesiae et possessiones in Castello,
quod dicitur Alanne, quos expulit, et
terram, quam invaserant, licet eam de Ecclesia
se tenere mendaciter assererent, liberam
Monasterio reddidit.
Eodem praeterea tempore ipso Domno Gisone
Abbate amminiculante grande studium
erat, et nimia exercitatio in Piscariensi Monasterio
a Fratribus de renovandis Libris, videlicet
homiliis, passionariis altaris, expositionum,
et ceteris Ecclesiasticis Codicibus;
in quo scribendi studio praecipui erant, Domnus
Joannes vir literatus et honestus, de cujus
scientia et gravitate Monasterium est augmentatum,
et bonum exemplum posteris est traditum,
et Domnus Maurus, et Domnus Oldrinus,
qui in hac arte nimis erat assiduus, de
cujus moribus et regulari disciplina, suo tempore
dicemus: successit enim in Abbatiatu
isti Domno Gisoni propter nimiam suam honestatem,
et regularis vitae custodiam.
In tempore hujus Gisonis Sanso de Petraniqua
partim pro anima sua, partim pro pretio,
quod accepit, dedit Ecclesiae Sancti Clementis in
perpetuum possidendam terrarn arabilem, fructiferam
pro domanio Ecclesiae, plusquam ducentorum
triginta modiorum, pro qua Abbas
Giso una vice dedit octoginta solidos, altera
vero vice caballum unum optimum, et quindecim
bisanzios. Haec terra est ad Sanctum
Petrum de Colle in pertinentia de Alanne.
1116. usque ad 1121.
Praeterea vir quidam nobilis et sapiens, Tedemarius
nomine, cum haberet de jure Beati Clementis
in emptione Ludovici Imperatoris tria
Castella, Paternum videlicet, Picericum et
Lucu, ductus amore Gisonis Abbatis, et devotione,
quam habebat erga Monasterium
Beati Clementis, hominium eidem Abbati fecit,
et Sancti Clementi veram fidelitatem juramento
semper servare promisit. Volvebantur tunc
anni Domini millesimus centerimus sextus decimus
usque vicesimum primum.
Circa tempora vero ista, residente jam Papa
Gelasio in Apostolica Sede, fuerunt locustae
in universa regione ista, corrodentes segetes
et omnes labores: Unde cum ex jussione
Domni Gisonis Abbatis capsula, in qua Beati Clementis
erat spatula, portaretur a supradicto
Domno Mauro, et quibusdam aliis religiosis
Fratribus in agriculturis Ecclesiae, et cum ipsa
perambularent atque girarent ipsos campos, in
quibus proprie segetes et labores erant ad victum
Monasterii, tanta fuit virtus Beati Clementis,
ut in ipsa portatione reliquiarum ejus,
ipsae locustae fugarentur, et conglobatae una
super alteram cadentes, et se ad invicem vehementer
impingentes, in flumine Piscariensi
se internecabant, sicque ex maxima parte sequenti
tempore fuit sedata famis pestilentia.
Ugo Malmazettus, de quo supra locuti sumus,
duos filios moriens dereliquit; quinque
enim alii eum moriendo secuti sunt, quorum
unus, qui eodem nomine quo et pater vocita¬batur,
et malitiae paternae in quantum poterat
aemulator existens, homines Sancti Clementis,
et res Ecclesiae persequebatur; qui admonitus
ab Abbate secundo et tertio, ut a male quiesceret,
|
|