[In nomine sanctę et individuę Trinitatis. Heinricus pius felix et clarissimus
Dei gratia Romanorum imperator augustus. oportet imperatoriam
sublimitatem omnium pręcibus iuste poscentium libenter annuere easque ad
effeetum perducere. quapropter noverit omnium fidelium sanctę Dei ęcclesię
nostrorumque multitudo pręsentium videlieet et futurorum, quia vir venerabilis
abbas Hugo de monasterio Sanctę Dei genitricis semperque virginis
Marię sito territorio Sabinensi in loco qui dicitur Acutianus nostrę dignitatis
adiit pręsentiam supplici devotione deposcens, ut ea omnia nostri pręcepti
firmaremus auctoritate, quęcumque antecessorum nostrorum iure perpetuo
per similis donationis paginas regali atque imperiali constitutione eiusdem
monasterii vendicaret proprietas. insuper ctiam ipsas res quas idem abbas
noviter acquisivit] vel quas fideles Christi inibi contulerunt seu quas perditas
quomodolibet reeuperavit. idest in comitatu Sabinensi castellum de Tribuco
et alterum de Bucciniano cum suis pertinentiis, quemadmodum domnus Benedictus
summus pontifex nosterque spiritualis pater nostro rogatu eidem
monasterio restituit. simili modo illa loca quę prędictus papa per pontificale
pręceptum pro animę suę remedio contulit, quę sunt: massa de suprascripto
Bucciniano cum suis omnibus pertinentiis; ęcclesia quoque Sanctę Marię sita
in fundo Massę de Vestiario cum prędiis illis quę in ipso continentur pręcepto.
nec non ęcclesia Sancti Sebastiani in Collina [in loco qui dicitur]
de Flagiano cum terris et vineis, sicuti ipse pręsul universalis aliique plures
sanctę Dei genitrici per cartulas concesserunt. pari modo monasterium
Sancti Laurentii in finibus Campanię in loco qui nominatur Macri, quod idem
venerabilis pater supradicto loco optulit. et in comitatu Sabinensi [prędia
quę Octavianus cum Rogata coniuge sua per cartulas venerabili Matri domini
Ihesu Christi dedit. etiam] terra [de] Ortellę Iohannis presbyteri cum ęcclesiis,
olivetis atque vinetis [a Iohanne pręsbitero et a suis consortibus oblata].
in comitatu Reatino terra quam Transaricus Sanctę Marię largitus est. In
suburbanis Tyburtinę civitatis monasterium Sancti Adriani cum omnibus suis
pertinentiis. in comitatu Firmano [quędam] res Attonis filii Arderadi cum
ęcclesia Domini Salvatoris, [et castello Casa Nova, sicuti habentur in cartula
quam ipse sanctę ęcclesię Beatę Marię fecit. in eodem quoque comitatu res
a Grimizone filio Hildeprandi inibi collatę cum ministerio de Sparziano et
Campo Arsitio et de Valli, sicuti in priori nostro pręcepto continentur. similiter]
et res quas Adelmodus filius Guidonis ibi dedit, et Adelmodus filius
Hildemodis. et quęcumque ab aliquibus eidem Sanctę Marię de Pharpha
data sunt. in civitate Ortana monasterium Sancti Theodori cum ęcclesiis
et omnibus suis pertinentiis. [de perditis et requisitis rebus] monasterium
Sanctę Marię de Minione cum omnibus suis pertinentiis quod beatę memorię
|
|