Pag 137

37. Quid sit regula. Regula uero est approbata diuersorum
testimonio perspicax et euidens rei cuiuslibet manifestatio
/*
38. Vnde dicatur. Dicitur autem regula quasi rectula, eo
quod sit recta et nichil offendiculi contra ueritatem habeat,
ut haec: « sunt uerba quae breuiant primas syllabas praesentis
temporis et omnium, quae formantur ab eo; in praeterito
autem et in omnibus ab eo formatis producunt, ut facio
feci, capio cepi, faueo faui, sedeo sedi, fodio fodi, uideo uidi,
foueo foui, < uo > ueo uoui, iuuo iuui, ago egi, emo emi, lauo
laui, odio odi, eo iui, queo quiui, scio sciui, sino siui, sero
seui ».
39. Alia regula. « Sunt quaedam uerba, quae in primis
praesentis temporis syllabis et in omnibus quae a praesente
formantur, producuntur; sed in praeterito et in his quae
formantur ab eo breuiantur, ut pono posui ».
40. Item alia regula. « Omnia praeterita duplicantia[m]
corripiu<n>t primas syllabas, ut totondi pependi ».
41. De quae et prae. Quae et prae quotiens in primis
syllabis inueniuntur, produci debent, exceptis pretium precor
premo prehendo et queror (cum lamentationem significat).
Excipiuntur qhoque illa quae ab his per deriuationem uel
declinationem ueniunt; cum quibus breuiandis que coniunctionem
breuiamus.
Haec ad praesens de regulis primae syllabae sufficiant.
42. De exemplo. Quid autem de exemplo ad cognosce < n > das
syllabas dicemus?
43. Quid sit exemplum. Exemplum quippe est ueterum
actoritas qua, sicut inreprehensibiliter usi sunt, sic nos, cum
de rebus certitudinem non habemus, eorum uestigiis adhaerere
de<be>mus.