«Cum vos patrem spiritualem et unicum reputem benefactorem
ad vestram non dubito recurrere providentiam
cum michi neccessitas incumbere videtur. Quocirca
paternitatem vestram humili prece deposco quatenus.»
«Postquam divine placuit providentie me utroque privare
parente vos michi pater et unicus benefactor extitistis ut ab
omni solatio non essem penitus destitutus. Quapropter vos
attentius deprecor, quatenus.»
«Cum vos mihi pater per beneficium et specialis sitis
benefactor ad vestram paternitatem, cum maxima fiducia
curro, credens quod meas iustas preces dignabimini exaudire.
Quapropter vos in quantum possum deprecor quatenus.»
«Cum vos pre cunctis mortalibus timeam et amem, et dum
spiritus rexerit artus cupiam honorare, ad dominationis
vestre nobilitatem confidenter recurro, ut michi vestro
famulo neccessitatibus pluribus irretito dignemini subvenire.
Vestre igitur supplico nobilitati quatenus.»
«Cum vos patrem per beneficium et specialem dominum
recognoscam qui me infantie custos pueritie tutela paternitatis
incrementum et supplementum michi fuistis paupertatis ad
vestrum non dubito dominium recurrere cum vestro auxilio
videor indigere. Ideoque.»
13 Si vis expetere consilium:
«Licet mea non precesserint obsequia ut vos debeam super
aliquo deprecari de vestra tamen benignitate in multis
ostensa confisus auxilium vestrum non dubito implorare
cum illud michi nostrisque consanguineis fuerit oportunum.
Eapropter.»
«Cum vos divina providentia multiplici ditaverit scientia et
sale sapientie condiverit non debetis eam condere sub
modio sed super candelabrum ponere deauratum ut luceat
|
|