CXX. – DE CENSO SOLVENDO DE INCANTU SOSTAE ET PEDAGII.
Item statuerunt et ordinaverunt quod a modo in antea, videlicet
in perpetuum, debeat solvi per homines vallis Diverii
Sallarium sive census Illustrissimi Domini Domini Ducis Mediolani
ex ficto eorum sostae et pedagii quotiescumque et quandocumque
fuerit licitum et debitum et fuerit impositum in generali
credentia ossollae sine aliqua exceptione. Et quod ex
dicto ficto debeat solvi Reverendissimo Domino Domino Episcopo
Novariae omni anno libras XXXIII et soldos XII imp. et
star unum per et star bladae mixturae et star
duo avenae et plus vel minus prout contineri recipitur in instituto
investitionis factae per praefatum dominum dominum
Episcopum soprascriptis hominibus dictae vallis Diverii et cereus
unus librarum (cifra illegibile) cerae in festo Sanctae
Mariae Magdalenae poenitentis ad Ecclesiam Sanctorum Ger¬vasi
et Protasii de Trasquera. Et si erit de superfluo ex dicto
ficto ultra suprascripta illud superfluum sit suprascripti comunis.
Et de eo solvatur primum debitum quod habet commune
praedictum cum quibuscumque personis. Et quod instrumenta
investiturae dicti pedagii et sostae debeant fieri secundum
formam statutorum dictae vallis et prout eis melius
videbitur faciendum. Et qui contrafecerit vel venerit det et
solvat dicto comuni pro poena et bano pro quolibet et qualibet
vice libras decem imp.
CXXI. – DE BALLIS SIGNANDIS PER PARTITOREM.
Item statuerunt et ordinaverunt quod partitor dictae vallis
debeat signare omnes ballas et dare illi qui inceperit electam
et sic subsequenter.
CXXII. – IN QUO LOCO DEBEAT COLLIGI PEDAGIUM.
Item statuerunt et ordinaverunt quod pedagium non possit
colligi in valle diverii nisi in varcio, in fontana et in alneda.
CXXIII. – DE NEMORE TENSATO.
Item statuerunt et ordinaverunt quod sit tensatum omne
nemus ab oro cognaz de foris et a fontanelle usque ad vallegiam
saxi de li sassollo et a via de la fracia infra. Exceptis
brinzolis.
CXXIV. – DE NON COLLIGENDO LIGNAMEN IN CULMINE RUPTA.
Item statuerunt et ordinaverunt quod non sit aliqua persona
quae debeat colligere et colligi facere aliquod lignamen
|
|