sed assimileris angelis qui nunquam Deo servire cessant. Et
dixit alter: qui vult scire utrum anima sit nobilis aut vilis, que
delectant animam suam inspiciat; que si nobilia, et infinibilia, et
utilia fuerint, nobilis est; et si vilia, finibilia et inutilia fuerint,
vilis est, quia quelibet anima suo gaudet simili, vilis turpibus et
sincera sinceris. Et dixit alter: felix est ille qui graditur recta
via, quia cito domum attingit; et qui devia sequitur, quanto plus
vadit tanto plus a domo recedit. Et quesierunt a quodam sapiente:
que est stulticia perfecta? Qui respondit: querere
malis operibus pervenire ad statum bonorum, et diligere falsos et
odire veros. Et dicerunt ei: quid est signum insipiencie? Respondit:
delicias diligere, longam habere fiduciam et cupiditatem
vehementem possidere. Et dixerunt ei: quid est cecitatis signum?
Respondit: de eo confidere de quo confidendum non
est.
Explicit dicta philosophorum.
|
|