et centum arietes, excepta venatione cervorum, caprearum atque
bubalorum et avium altilium. Sed et pisces cotidie ab alienigenis
portabantur. Item de magno apparatu quantum ad victum invenies
in principio libri Hester, quem fecit Assuerus quando invitavit
omnem populum, qui inventus est Susis, a maximo usque ad
minimum, et VII diebus iussit convivium preparari in vestibulo
orti et nemoris, quod regio cultu et manu consitum erat et cet. Vide
in libro.
Secundo potest excusari Naaman de vestimentorum multiplicitate,
quia talia portabat ut prophete donaret; magna enim
petere volebat, scilicet mundationem a lepra, et ideo magna dare
disponebat. Et forte non vacat a misterio quod X mutatoria vestimentorum
secum portabat, pro eo quod X sunt precepta decalogi
sicut non vacat a misterio quod septies in Iordane se lavit. Et
nota quod, post emundationem a lepra, miro modo Naaman factus
est Deo devotus, ita ut dignus esset commendatione divina,
Luc. IIII: Multi leprosi erant in Israel sub Helyseo propheta, et
nemo illorum mundatus est nisi Naaman Syrus. Vere dignus fuit
commendatione divina. Dixit enim Helyseo, postquam vidit se
mundatum, IIII Reg. V: Non enim faciet servus tuus ultra holocaustum
aut victimam diis alienis visi Domino. Similiter ille erat
alienigena, quem Dominus mundavit a lepra et quem postea de
recognitione benefitii commendavit dicens, Luc. XVII: Nonne
X mundati sunt, et novem ubi sunt? Non est inventus qui rediret et
daret gloriam Deo nisi hic alienigena. Item Naaman ante mundationem
a lepra commendatur, quod per eum Deus miraculum
fecit, IIII Reg. V: Naaman princeps militie regis Syrie erat vir
magnus apud dominum suum et honoratus. Per illum enim dedit
Dominus salutem Syrie. Erat autem vir fortis et dives, sed leprosus.
Tertio excusari potest Naaman de vestimentorum multiplicitate,
quia non erat obligatus sub aliqua lege sicut Iudei, de quibus
|
|