Nullius personam ex amore vel odio
prospecturus ut negotium istud, quod
providentiae tuae cum summa fiducia committi
decrevimus, ad honorem culminis nostri et
alleviationem providam nostrorum tam
celeriter, quam fideliter compleatur.
Cap. XXXIX.
Justitiariis Terrae laboris, de exercitu suo,
et de exigenda collecta.
Circa vos nostrae mansuetudinis zelum,
et circa vos vestrae devotionis ardorem
credimus apertius loqui, quam
scribere et videre libentius cupimus, quam audire.
Exuberante veruntamen utilitate propositum,
et consilio voluntatem, violentiam in
hac parte nobis ipsis indiximus, qui cogi per
alios merito dedignamur. Dudum etenim
post obtentam de rebellibus nostris et Imperii
permiserabilem et innumerabilem vere stragem
ipsorum Campestri disceptatione victoriam,
et potentiam nostram per subjugationem
inexpugnabilium civitatum, quae ad nos
belli discrimine desperatae infra murorum
ambitus, et munita locorum se septa concluderent,
quamprimum in exitu primi veris