ita etiam quod apud ecclesiam ipsius loci terra ad tanta mortuorum
cadavera sepelienda non inveniebatur, imo ex hac
parte Adue ad Sanctum Petrum de Pirolo mortui sepeliendi
deferebantur. Multi autem hoc videntes, quia ibi manere non
poterant, Cremone recesserunt; ibique etiam plerique infirmantes
hoc seculo cum magno dolore migraverunt.
Mediolanenses itaque in ipso die Iovis, in quo Laudenses
Laude, ut dictum est, recesserunt, in sero Laude venientes,
omnia suburbia primum expoliantes, in ipsa nocte et in sequentibus
duobus diebus tota exarserunt posteaque ipsas
domos dirupaverunt; ac vites et arbores Laudensium incidentes
hominesque Laudenses, qui adhuc ibi remanserant,
capientes eos in carcerem deduxerunt.
Preterea in hac eadem estate Mediolanenses iterum Laude
redeuntes totas ipsorum Laudensium segetes in Laude et per
totam etiam fere Laudexanam ad suam utilitatem collegerunt.
Deinde turres de Montexello et turrem de Castellione,
turrem quoque de Sancto Vito et turrem de Camairago
dirupantes, venerunt postremo in campis supra costam de
|
1
5
10
15
|