ejus jurisdictionis Capitaneum, ad praesens duximus
statuendum: fidelitati tuae praecipiendo
mandamus, quatenus memorato Joanni fideli
nostro, in omnibus, quae ad ipsius spectant officium,
et honoris nostri respiciunt incrementum,
tanquam nostrae personae intendere ac parere
firmiter debeatis: ut exinde vestra sincera devotio
per operum efficaciam, nostrae Celsitudini
pateat more solito commendanda. Et ecce,
quod eidem fideli nostro damus oretenus
firmiter in mandatis, quod vos omnes et
singulos in omni bono et pacifico statu, justitia
et consuetudinibus approbatis, manutenere
debeat, et fideliter observare.
Cap. LXXIII.
De commendatione fidelium et gratia facienda.
Grata est in conspectu nostri culminis fides
Vestra: quam et devotionis affectus claram
exhibet, et demonstrat officium
operum clariorem. Propter quod in
stabili proposito gerimus, statum vestrum gratiae
nostrae favore protegere, [et nostrae liberalitatis]
beneficiis adaugere vel ampliare.